Viðskiptaver
Viðskiptaver RARIK svarar öllum helstu fyrirspurnum varðandi orkureikninga. Hægt er að komast í samband við Viðskiptaverið í síma 528 9000 eða með því að senda tölvupóst á vidskiptaver@rarik.is
Reikningagerð
Heimili og lítil fyrirtæki fá að öllu jöfnu reikninga mánaðarlega. Lesið er á mæla einu sinni á ári og í kjölfar álesturs er sendur út uppgjörsreikningur. Við uppgjör endurreiknast áætluð ársnotkun og áætlaður árskostnaður. Hvoru tveggja kemur fram á reikningum.
Hjá stærri orkukaupendum er lesið tvisvar á ári, jafnvel mánaðarlega.
Greiðslumátar
Boðið er upp á net-, boð- og beingreiðslur auk hefðbundins greiðsluseðils. Greiðsluseðill ber aukagjald, seðilgjald. Stór fyrirtæki með marga notkunarstaði eiga kost á rafrænum viðskiptahætti í gegnum SPAN viðskiptaþjónustu (sjá www.span.is).
Netbankar
Orkukaupendur sem kjósa að greiða raforkunotkun sína með netgreiðslu eða með greiðsluseðli geta greitt í netbönkum. Beingreiðslur skuldfærast sjálfkrafa, en kröfur sem greiðast með kreditkortum eru sendar til viðkomandi kortafyrirtækja. Sundurliðun (útlit) reikninga er ekki hægt að sjá í netbönkum en RARIK er með eigin viðskiptavef, sjá neðar, þar sem nytsamar upplýsingar koma fram.
Innheimta
RARIK rekur eigin innheimtudeild. Fylgt er ströngum verklagsreglum um útsendingu innheimtubréfa. Kostnaður við fyrstu aðvörun er kr. 2.000 án VSK. Búast má við fyrstu aðvörun um 20-25 dögum eftir gjalddaga (eindaga). Dráttarvextir reiknast frá gjalddaga.
Viðskiptavefur
Orkukaupendur hafa aðgang að viðskiptavef, en þar má skoða viðskiptaupplýsingar svo sem mælastöður og reikninga (útlit). Til þess að komast inn á viðskiptavef þarf viðskiptanúmer og lykilorð, en hvoru tveggja kemur fram á reikningum. Einnig er hægt að fá lykilorð sent í heimabanka.
