Rafmagnslaust verður á sunnanverðu Snæfellsnesi, (Laugagerðis- og Staðarsveitarlínu) aðfararnótt föstudagsins 11. júní frá kl. 00:00 (miðnætti) til kl. 06:00 vegna viðhaldsvinnu Landsnets á 66 kV línunni Vatnshamrar – Vegamót og vegna vinnu í tengivirki í aðveitustöð við Vegamót.
Um er að ræða allt svæðið frá Jörva í Kolbeinsstaðahreppi allt vestur að Malarrifsvita.
Búast má við truflunum á raforkuafhendingu á norðanverðu Snæfellsnesi, en gert er ráð fyrir að nægt varaafl sé fyrir hendi þannig að ekki komi til skömmtunar eða straumleysis.
RARIK biðst velvirðingar á þeirri röskun sem rafmagnsleysið kann að hafa í för með sér fyrir notendur.
