Vegna mikillar hækkunar á innkaupsverði jarðstrengja telur RARIK nauðsynlegt að gera breytingar á verðskrá fyrirtækisins fyrir tengigjöld.
Breytingin felst einungis í hækkun á yfirlengdargjöldum, þ.e. gjöldum þar sem strengverðið vegur þungt. Um er að ræða 10% hækkun á eftirfarandi gjöldum:
Yfirlengdargjald háspennu hækkar úr 1.601 krónum í 1.760 krónur á hvern metra, umframlengd lágspennu hækkar úr 1.475 krónum í 1.625 krónur á metra og vegna flýtingar þrífösunar háspennustrengs úr 630 í 695 krónur á metra.
Þessi breyting gildir frá og með 1. maí 2010.
