Farið er með allar upplýsingar sem trúnaðarmál

Umsókn um heimlögn er eyðublað sem fylla þarf út vegna nýrra tenginga og einnig breytinga, jafnt fyrir rafmagn og heitt vatn. Umsóknin þarf að berast með góðum fyrirvara. Að jafnaði eru heimtaugar aðeins afgreiddar að sumarlagi.

Til að hægt sé að afgreiða umsókn, þarf eftirfarandi að fylgja með henni:

1. Þjónustubeiðni fyrir rafverktaka, útfyllt og undirrituð af löggiltum rafverktaka og húseiganda.
2. Raflagnateikning samkvæmt ákvæðum í tæknilegum tengiskilmálum sem inniheldur meðal annars grunnmynd með auðkenningu húsrýmis, þar sem mælakassi, aðaltafla og tengistaður jarðskauts/spennujöfnunartauga er sýndur. Sniðmynd er sýni inntak og töflur ásamt einlínumynd aðaltöflu. Málsett afstöðumynd af húsi á lóð.

Við flutning er mikilvægt að tilkynna nafnabreytingar til viðskiptavers RARIK. Tilkynna þarf hver er að flytja út og hver er að flytja inn (nafn og kennitala). Venjulega er bara lesið af mæli einu sinni á ári og því þarf að lesa sérstaklega af mæli við flutning. Notandi getur í flestum tilvikum sjálfur lesið af mæli og tilkynnt álestur til viðskiptavers.

Ef þú telur að gæði rafmagnsins séu á einhvern hátt ófullnægjandi, hvetjum við þig til að fylla út þetta eyðublað.